أحمد شامل يحتفل بزواجه من أسما شريف منير: “متشرف جدًا إنها مراتي”
كتب: محمود جمال
في أجواء سادتها الرومانسية والبهجة، احتفل مدرب الرقص أحمد شامل بزواجه من الإعلامية أسما شريف منير، معربًا عن سعادته الغامرة بهذه الخطوة الجديدة في حياتهما.
أحمد شامل: أسما في عيني
ونشر شامل، عبر حسابه الرسمي على موقع إنستجرام، صورًا من حفل الزفاف، وعلق عليها قائلًا: “متشرف جدًا إن أسما مراتي، وأهلها الطيبين المحترمين، اللي عندهم إحساس بالبشر، علموني حاجات كتير، بشكر والد أسما على الثقة اللي اداهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها”.
العلاقات تحتاج مجهود من الطرفين
وأكد أحمد شامل على أهمية المجهود المتبادل في العلاقات الزوجية، قائلًا: “رأيي الشخصي إن العلاقات دايماً بتحتاج مجهود من الطرفين عشان يحتووا ويقدروا بعض، الرجالة بالذات عليهم دور القوامة وده في الدين، بس القوامة مش معناها التسلط، زي ما أغلب الرجالة فاهمة! هي رعاية ومسؤولية”.
وأضاف: “الراجل لازم يكون داعم وسند لمراته ويتعامل معاها برحمة واحترام، لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وحاجة فيها هدوء وأمان”.
رسالة حب ورضا
ووجه أحمد شامل رسالة حب ونصيحة للجميع، قائلاً: “دوروا على رضا ربنا واسعوا وتوكلوا على ربنا، بالمعاملة الكويسة، الرحمة، وحب الخير مش هتلاقوا غير خير ورزق واسع وأماني بتتحقق”.
