مي فاروق تحتفل بتخرج ابنتها زينة من الثانوية العامة.. وابنتها عروسة جامعة
كتب: أحمد جمال
احتفلت الفنانة مي فاروق بتخرج ابنتها زينة من المرحلة الثانوية، معربة عن سعادتها البالغة بهذه المناسبة التي وصفتها بأنها أسعد أيام حياتها.
مي فاروق تحتفل بتخرج ابنتها
نشرت مي فاروق، عبر حسابها الرسمي على موقع التواصل الاجتماعي «إنستجرام»، مجموعة من الصور والفيديوهات من حفل تخرج ابنتها، وعلقت عليها قائلة: «أسعد أيام حياتي.. يمكن أحلى لحظة فيها، من أول يوم مدرسة لزينة وأنا منتظرة اللحظة دي، وزي ما فرحت قلبي، لازم أشارك فرحتي معاكم».
ابنة مي فاروق عروسة جامعة
وأضافت مي فاروق: «زينة كبرت وفرحت قلبي وتخرجت من المدرسة وبقت عروسة في الجامعة خلاص، أنا مش عارفه اوصف قوي الشعور بس أنا نجحت أنا اللي نجحت كبرت وربيت وفرحت بأكبر وأهم إنجاز».
وتابعت: «لازم أقولك قدام الدنيا أنا فخورة أنك بنتي وحبيبتي، فخورة بنجاحك رغم كل حاجه وأي حاجه ممكن تكون عدت علينا، ومتشرفة أنك انتي ومالك ولادي، يارب أشوفك أنجح وأهم وأعلى دايما، يارب أشوفك أنجح وأهم وأعلى دايما وأعيش وأشوفك بتحققي كل أحلامك وأفرح اكتر منك».
أغنية بنات الخلق
أطلقت مي فاروق مؤخرًا أغنية جديدة بعنوان «بنات الخلق» ضمن ألبومها الأخير «تاريخي»، وهي متاحة للاستماع عبر يوتيوب ومختلف منصات الموسيقى. الأغنية من كلمات عبد الرحمن محمد، وألحان مدين، وتوزيع يحى يوسف.
كلمات أغنية بنات الخلق
تقول كلمات الأغنية:
- بتبعد عن عيون الناس.. وحابسة نفسها في أوضة
- بتتجرد من الإحساس.. تشوفها تقول دي محسودة
- ده حتى قلبها الأبيض.. بقى جواه نقط سودا
- طريق الحب ضيعها وما وصلهاش.. لبيت جواه أمان مليان بأحلامها
- بقت واحدة تبصلها متعرفهاش.. بقت حاسه إن كل الناس هتألمها
- بتتنفس عشان تفضل مع العايشين.. طبيعي تعيش حياة صعبة
- ويا اللي غاوي تتسلى بقلوب عاشقين.. بنات الخلق مش لعبة
- طريق الحب ضيعها وما وصلهاش.. لبيت جواه أمان مليان بأحلامها
- بقت واحدة تبصلها متعرفهاش.. بقت حاسه إن كل الناس هتألمها
