دعواتكم.. البلوجر دينا داش تدخل غرفة العمليات بعد ولادة طفلها الثاني

كتب: أحمد السيد

في تطور مفاجئ، أعلنت البلوجر دينا داش، شقيقة الفنان الشاب أحمد داش، عن حاجتها لتدخل جراحي عاجل، وذلك بعد أيام قليلة من ولادة طفلها الثاني، حسن.

دينا داش تطلب الدعاء من متابعيها

وطالبت دينا متابعيها عبر حسابها الرسمي على إنستجرام بالدعاء لها، حيث كشفت عن حالتها الصحية قائلة: “مش قادرة قوي أرفع إيدي عن كدة، باختصار بعد الولادة حصل لي تعقيدات ومن يوم الثلاثاء وأنا في المستشفى بعمل تحاليل عشان نشوف المشكلة إيه، وهعمل عملية بكرة إن شاء الله، أتمنى أكون كويسة”.

دينا داش تكشف عن جانب خفي من حياتها

وأضافت دينا: “عارفة إنكم مش متعودين أنشر حاجات سلبية، لما بنشر حاجة بكون كويسة ولذاذة ورقص وأخبار جيدة، واكتشفت رد فعل ونظرات الناس اللي بتشوفني في المستشفى، كأنهم بيقولوا إن غريب أتعب، الناس فاكرة إنها شايفة حياتي 100%، وده مش حقيقي إطلاقا، أنا بس بنشر الحاجات اللي عايزة أوريهالكم واللقطات اللذيذة، لكن اللي بيحصل وعايشاه محدش يعرف عنه حاجة”.

رسالة مؤثرة من دينا داش لمتابعيها

وأردفت دينا: “ليس لدي رسالة بعينها أقولها لكم، لكن إذا تذكرتوني ادعوا لي، إن شاء الله أعود إليكم قريبا”. وفي فيديو جديد، تابعت: “حسيت في الاستوري اللي فاتت شكلي حزين قوي، التواجد على السوشيال ميديا بتشوفوني عندي توازن رهيب لإني بنشر الحاجات الحلوة، لو خدتوا بالكم بختفي أسبوعين لو بمر بفترة وحشة أو مضغوطة، لما أرجع وأبقى أحسن هحاول أكتر أكون واقعية اكتر وأوريكم الجانبين، مش عايزة أخضكم عليا، الحمد لله أنا كويسة وهبقى كويسة”.