شريف منير يتصدر التريند برسالة مؤثرة لزوج ابنته.. “أسما أمي”
كتب: أحمد مصطفى
تصدر الفنان شريف منير حديث مواقع التواصل الاجتماعي خلال الساعات الماضية بعد نشره فيديو من عقد قران ابنته أسما شريف منير، والذي تضمن رسالة مؤثرة وجهها لزوجها أحمد شامل، أوصاه فيها بالاهتمام بها ورعايتها، مؤكدًا على مدى قربها منه.
رسالة مؤثرة من شريف منير لزوج ابنته
قال شريف منير في الفيديو: «أسما تعبت وكافحت ووقفت جنبي في مراحل كتير من حياتي.. أنا باعتبرها أم ليا، هي اللي بترشدني وتظبط لي حياتي. نفسي أحمد ياخد باله منها ويكون حنين عليها ومحتويها، مش طالب منه حاجة غير كده. في يوم من الأيام أنا ممكن أمشي.. وعايز أبقى مطمن عليها».
وعلق منير على الفيديو قائلاً: «ألف مبروك يا حبيبتى ربنا يهنيكى ويسعدك».
أسما شريف منير تُعلن زواجها
وكانت أسما قد أعلنت عن زواجها بشكل مفاجئ عبر حسابها على إنستجرام، معبرة عن سعادتها بهذا القرار، قائلة: «أنا الحمد لله اتجوزت.. القرار ده جه بعد رحلة طويلة قضيتها مع نفسي، تعلمت فيها حاجات كتير وخدت قرارات كبيرة. فهمت أنا مين وعايزة إيه، إيه المهم في الجواز وإيه اللي مش مهم، وإيه اللي يستاهل المجهود».
وأضافت: «دعيت ربنا كتير إنه يعوضني على صبري، وكنت دايمًا بقول: يا رب اختار لي ولا تخيرني. توكلت عليه تمامًا في القرار ده، وكنت متأكدة إن ربنا هيرزقني بالخير، لأني مريت بفترة صعبة جدًا على المستوى النفسي، وكنت بحاول أحافظ على نفسي وأرضي ربنا، لحد ما جه الوقت اللي حسيت فيه إن ربنا استجاب».
فيلم السرب.. آخر أعمال شريف منير
يُذكر أن فيلم السرب كان آخر أعمال شريف منير، والذي شارك في بطولته مع أحمد السقا، وضم العمل نيللي كريم، محمد ممدوح، دياب، عمرو عبد الجليل، ومصطفى فهمي، بالإضافة إلى عدد كبير من ضيوف الشرف، منهم آسر ياسين، كريم فهمي، أحمد حاتم، محمد فراج، أحمد صلاح حسني، صبا مبارك، أحمد فهمي، ومحمود عبد المغني. والعمل من تأليف عمر عبد الحليم وإخراج أحمد نادر جلال.
