ميكا تُثير الجدل بتصريحات نارية.. وهجوم حاد من مسلم على منتقديه!
كتب: أحمد جمال
في تطور مفاجئ للأحداث، أثارت ميكا، طليقة مطرب المهرجانات مسلم، ضجة كبيرة على مواقع التواصل الاجتماعي بعد تصريحات نارية عبر حسابها على إنستجرام، تزامنًا مع أزمة زوجته الحالية، يارا تامر، مع البلوجر أروى قاسم.
تصريحات نارية من ميكا
أعربت ميكا عن استيائها من الزج باسمها في الأزمة، قائلة: «أنا بعيدة عن أي حاجة، بس لما توصل أن حد يقرب لحياتي أو يجرني لأي مشاكل، ساعتها ههد الدنيا على اللي فيها، وأنا مش بتاعت تهديد.. شوية صور أنا بجد أخليكم متنزلوش من بيتكم».
مسلم يرد على منتقديه
من جانبه، رد مسلم على الانتقادات التي طالته عبر فيديو على إنستجرام، قائلاً: «ما خلاص مزهقتوش؟ دا أنا صاحب الفرح وزهقت، خليكم في حالكم، رأيكم مش فارق لي، كفاية قرف». وأضاف: «أبويا مربيني على أن مفيش حاجة اسمها أمشي مع بنت، بتقولوا عمال أطلق واتجوز، دي حاجة بتاعت ربنا، أنا وطليقتي سيبنا بعض بكل احترام، وأبويا معودني أن مفيش حاجة اسمها تمشي مع بنت، في حاجة اسمها خطوبة يا جواز، أنتوا مش عاجبكم براحتكم، بس أنا يكفيني أني مش بزعل ربنا مني».
هجوم مسلم على شقيقته
وفي بث مباشر، علق مسلم على هجوم شقيقته عليه، قائلاً: «مينفعش أعيب في أهلي، ومحدش بيختار أهله وربنا يهديها، وهي غلطت فيا وفي مراتي، وكان نفسي تكون موجودة لكني عارف كرهها ليا وليارا، وأمي كانت موجودة وده كفاية، وموافقتش تكون موجودة وقالت لي طالما شتمتك وهزقتك متجيش، وفي النهاية مهما كان أختي وربنا يهديها».
