مسلم يرد على منتقدي زفافه: “مزهقتوش؟ دا أنا صاحب الفرح وزهقت!”
كتب: أحمد جمال
في خضمّ الجدل المثار حول حفل زفافه، خرج نجم المهرجانات مسلم عن صمته ليردّ على منتقديه عبر حسابه الرسمي على موقع إنستجرام، معربًا عن استيائه من الانتقادات اللاذعة التي طالت حفل زفافه والذي تصدّر مؤشرات البحث على جوجل ومنصات التواصل الاجتماعي.
مسلم يرد على منتقديه
نشر مسلم مقطع فيديو عبر حسابه الرسمي على إنستجرام، عبّر فيه عن انزعاجه قائلاً: “ما خلاص مزهقتوش؟ دا أنا صاحب الفرح وزهقت، خليكم في حالكم، رأيكم مش فارقلي، كفاية قرف”.
وأضاف مسلم مدافعًا عن نفسه: “أبويا مربيني على أن مفيش حاجة اسمها أمشي مع بنت. بتقولوا عمال أطلق واتجوز، دي حاجة بتاعت ربنا، أنا وطليقتي سيبنا بعض بكل احترام، وأبويا معودني أن مفيش حاجة اسمها تمشي مع بنت، في حاجة اسمها خطوبة يا جواز. أنتوا مش عاجبكم براحتكم، بس أنا يكفيني أني مش بزعل ربنا مني”.
مسلم يرد على هجوم شقيقته
في بثّ مباشر على إنستجرام، علّق مسلم على هجوم شقيقته عليه قائلاً: “مينفعش أعيب في أهلي، ومحدش بيختار أهله وربنا يهديها، وهي غلطت فيا وفي مراتي، وكان نفسي تكون موجودة لكني عارف كرهها ليا وليارا. أمي كانت موجودة وده كفاية. موافقتش تكون موجودة وقالت لي طالما شتمتك وهزقتك متجيش. وفي النهاية مهما كان أختي وربنا يهديها”.
هجوم شقيقة مسلم على زوجته يارا تامر
كانت آية زكريا، شقيقة مسلم، قد هاجمت زوجته يارا تامر عبر حسابها على تيك توك، قائلةً: “أنا يا جماعة مش بحب عروسته عشان هي حد قليل الأدب أوي، وليها أسلوب غريب مش فهماه، ومش بتحترمني ولا بتحترم أهله، بغض النظر بقى إن ماما حضرت بس ده ابنها وكان لازم تحضر”.
