رامز جلال يسخر من هدى الإتربي في “رامز إيلون مصر”: “منبع الفيلر!”
كتب: أحمد عادل
استضاف برنامج “رامز إيلون مصر” الفنانة هدى الإتربي، وكان في استقبالها الفنان رامز جلال بمقدمة ساخرة لاذعة، حيث قال: “معانا نجمة مشهورة محدش عارف ليه، يمكن علشان نافخة الشفايف، ولا مدملكة زي القطايف، النجومية دلوقتي بقت بالبروز”.
سخرية لاذعة
وأضاف رامز ساخراً من هدى الإتربي: “النجمة اللي معانا منبع الفيلر، بتعبي السليكون بالكوز. مستحلية نفسها وفاكرة محدش قدها، النهاردة هردها على البارد، وأكسر جناحها اللي فارد. معانا الشيست المفترس، إيرباجز الجيل”.
إطلالة هدى الإتربي
ولم يتوقف رامز عند هذا الحد، بل سخر من إطلالة هدى الإتربي قائلاً: “جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وإنتِ لابسة بودي ولا بودي آرمر؟”.
فكرة البرنامج
تعتمد فكرة برنامج “رامز إيلون مصر” على استدراج الضيف للمشاركة في لجنة تحكيم برنامج مواهب وهمي يسمى “جولدن تالنت”، بجانب نوال الزغبي ومحمد نور وبسنت شمس. يُطلب من الضيف اختبار اختراع طبي عبارة عن “روبوت” يعمل بالذكاء الاصطناعي، ليكون هذا الروبوت هو رامز جلال متنكرًا، ويبدأ المقلب باختبار قوة تحمل الضيف المربوط في سرير دوار.
ضيوف البرنامج
يضم البرنامج كوكبة من نجوم الفن والرياضة والإعلام، منهم فيفي عبده، أحمد فهمي، محمد رجب، نور النبوي، أحمد العوضي، مصطفى أبو سريع، حسام حبيب، محمد عبد الرحمن، مصطفى غريب، نور إيهاب، حاتم صلاح، وإمام عاشور، أشرف بن شرقي، ناصر منسي، دونجا، وطاهر محمد طاهر.
