سما المصري بالحجاب: «ربنا مفيش أحن منه».. صور جديدة تُثير الجدل
كتب: ياسمين عادل
في تطور لافت، نشرت الفنانة سما المصري صورًا جديدة لها بالحجاب عبر حسابها على انستجرام، داعية الله للمغفرة والعفو، مما أثار موجة من الجدل والتساؤلات بين جمهورها ومتابعيها.
دعاء سما المصري وطلب المغفرة
أرفقت سما المصري صورتها بالحجاب بتعليق مؤثر، قالت فيه: «ربنا مفيش أحن منه بس إحنا اللي دائمًا مش شايفينه قدامنا.. لو شايفين ربنا قدامنا علطول عمرنا ما هنغلط ولا نزعله عشان أحن منه مفيش.. حقك عليا ياحبيبي سامحني».
ظهور سما المصري في انتخابات مجلس الشيوخ
يأتي هذا المنشور بعد أيام قليلة من ظهور سما المصري أمام إحدى لجان انتخابات مجلس الشيوخ مرتدية الحجاب أيضًا، مما أثار ضجة كبيرة على مواقع التواصل الاجتماعي، وتصدرت حينها محركات البحث.
وعلقت سما المصري على صورها بالحجاب عبر حسابها على فيسبوك قائلة: «زي ما أنا جاهرت بالمعصية لازم أجاهر بالتوبة.. الحمد لله الناس اللي كانت بتشكك في حجابي وتوبتي آدي أول ظهور لي بالحجاب في انتخابات مجلس الشيوخ بالأزبكية، ويا رب تهدي كل عاصي، وتقويني يا رب على الالتزام والثبات والاحتشام، والأيام الجاية أقدر أعمل حاجه أكفر بيها عن اللي فات يااارب، ويسامحني انا وكل اللي زيي أمين.. كل سنة وكلنا بخير يا رب».
وقد لاقى ظهور سما المصري بالحجاب ردود فعل متباينة، بين مؤيد ومعارض، فبينما رحب البعض بتوبتها، شكك آخرون في نواياها، واعتبروا الأمر مجرد دعاية.
