شقيق أنوسة كوتة يرد على اتهامات ضحية نمر سيرك طنطا: “مفتري!”

كتب: محمود الجندي

في تطور مثير لقضية هجوم النمر في سيرك طنطا، خرج شقيق مدربة الأسود الشهيرة أنوسة كوتة، منذر سخاوي، عن صمته ليرد على تصريحات المساعد الذي تعرض للهجوم، والذي زعم أن الحيوانات لم تتغذى منذ 10 أيام قبل الحادثة.

اتهامات بالافتراء

وصف سخاوي، في فيديو نشره عبر حسابه على فيسبوك، تصريحات المساعد بـ”الافتراء”، متسائلاً: “بتقول إن الحيوانات مكلتش من يوم 10 رمضان، يعني حوالي 25 يومًا.. يعني لو كده، أولى ياكلوا إيدك أنت اللي برا القفص، ولا ياكلوا المدربة اللي جوا القفص نفسه؟”.

واستنكر سخاوي خبرة المساعد المزعومة في التعامل مع الحيوانات المفترسة، قائلاً بسخرية: “وأنت اللي لديك خبرة 10 سنين في التعامل مع الحيوانات المفترسة بأمارة العمارة الملك اللي كل دور فيها كلاب مفترسة.. إذا دخلت واحد صاحبك على الكلاب دي، هياكلوه.. وأنت اللي ليك يومين في السيرك جاي بتتمنظر على حيوانات متعرفكش”.

أنوسة حاولت إنقاذه

وأكد سخاوي أن شقيقته أنوسة حاولت بشتى الطرق إنقاذ المساعد، متسائلاً: “إنت بتقول محدش عبرك؟ إزاي؟ وهي جريت بيك على المستشفى بلبس الشغل.. ولا أنت جامد أوي وروحت المستشفى لوحدك؟ والكاميرات جابتك.. وهي فضلت معاك 8 ساعات في المستشفى، وشكلنا كده هنحتاج نفرغ الكاميرات قبل الحادثة وأثناء الحادثة”.

من هي أنوسة كوتة؟

أنوسة كوتة هي زوجة الملحن الراحل محمد رحيم، تزوجا عام 2017 بعد قصة حب، ولديهم طفل واحد. وهي ابنة عائلة من مروضي الحيوانات الشرسة، من مواليد 12 مارس 1988.