تامر حسني يُصاب بكسر في قدمه.. والصدمة تكشفها تفاصيل صادمة
كتب: داليا شرف
كشف الشاعر رمضان محمد عن مفاجأة صادمة، ألا وهي إصابة الفنان الكبير تامر حسني بكسر في قدمه، وخضوعه للعلاج دون إعلان الأمر للجمهور. وقد فاجأ الخبر محبيه الذين اعتادوا على نشاطه الدائم.
تفاصيل إصابة تامر حسني
نشر رمضان محمد صورة لتامر حسني عبر حسابه الشخصي على فيسبوك، موضحًا تفاصيل إصابته وقائلًا: “تامر حسني ده حوار كبير بجد .. بقالنا فترة كبيرة بنتكلم وبنشتغل، وعادي جدا نفس حماس وطاقة تيمو اللي بتخلي كل اللي حواليه يجتهدوا ويشتغلوا أكتر، وفجأة النهاردة بكلمه يقولي أنا في المستشفى علشان في كسر في رجلي وبعالجه من فترة، ولا حد يعرف ولا قال ولا اشتكى ولا حب يدي طاقة سلبية للناس اللي بيكلموه، بجد إنسان جميل وفنان جميل وصعب جدا يتكرر وألف سلامة عليك يا تيمو”.
تامر حسني يفكر في حفل أوركسترا
على جانب آخر، أعلن تامر حسني عبر صفحته على فيسبوك عن تفكيره في تقديم حفل موسيقي مختلف، يعتمد على الأغاني الرومانسية الهادئة، بأسلوب أوركسترا مميز. وقد جاءت هذه الفكرة بعد اقتراح إحدى معجباته.
وكتب تامر حسني: “شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغانيا الرايقة أنا فعلا فكرت يا هالة في كده وكمان إني أوزعها كلها مع أوركسترا كبيرة لأني بجد ببقى كتير نفسي أغني من غير حركة وتنطيط ورايح جاي وهيبرة نفسي أقدملكم حفلة كاملة زي طريقتي لما غنيت نسيانك صعب أكيد، شجعتيني يا هالة والله إيه رأيكم يا شباب ولا كله عايز يتنطط وزحمة وكده”.
