حمزة نمرة يُفاجئ جمهوره بأغنية «اتخمينا» من ألبوم «قرار شخصي»
كتب: أحمد جمال
طرح الفنان حمزة نمرة الدفعة الثانية من ألبومه الجديد «قرار شخصي»، عبر يوتيوب ومختلف المنصات الموسيقية، وكان من أبرز أغانيها «اتخمينا» التي حازت على إعجاب الجمهور.
كلمات أغنية اتخمينا
أغنية «اتخمينا» من كلمات فلبينو، ألحان حمزة نمرة وتوزيع عمرو الخضري، وتحمل كلماتها مشاعر خيبة الأمل:
«ليه فرشنا الأرض ورد
واحنا مش جايلنا حد
مولد وعلينا انفض
وسابونا موجوعين
اتخدعنا من زمان
حتى يشهد المكان
كل مرة نقول رهان
وكل مرة خسرانين
علقنا زينة لولاد لزينة
غدروا بينا بعد الوجايب
نفس السيناريو كله آذينا
نسحب ورق ونلبس في شايب
احنا اتخمينا واتغشينا ف ناس بايعين بايعين
شكراً لغباءنا اتعلقنا احنا بحبال دايبين
ليه تعبنا وجيبنا فرش
ليه عزمنا ناس ما جاتش
الدنيا اديتنا درس ياكش
نطلع متعلمين
ومعلش يا قلبي خير
ده احنا معلشناك كتير
في الجروح بقيت خبير
آه وتشهد السنين
علقنا زينة لولاد لزينة
سوينا ليهم كل الهوايل
فتحنا بابنا للي آذينا
عملوا فينا أسوأ عمايل
احنا اتخمينا واتغشينا ف ناس بايعين بايعين
شكراً لغباءنا اتعلقنا احنا بحبال دايبين».
تفاصيل ألبوم «قرار شخصي»
يضم ألبوم «قرار شخصي» 13 أغنية، تم طرحها على 4 دفعات:
- الدفعة الأولى (23 يوليو): شمس وهوا، عزيز عيني، كله على الله.
- الدفعة الثانية (30 يوليو): شيل الشيلة، ويا سهرانين، اتخمينا.
- الدفعة الثالثة (6 أغسطس): وافتكر، وطال غيابك، وبتستخبى.
- الدفعة الرابعة (13 أغسطس): ما بتلاقينيش، وكده الأيام، وكايرو، وقرار شخصي رقم 1.
