قالت الفنانة ويزو: “بدايتي كانت في كلية “تربية” وماكانش التمثيل في دماغي خالص، و بدايتي في الوسط الفني كان في ” مركز الإبداع ” مع “خالد جلال”، وأول مرة أقف قدام كاميرا كان في برنامج “جد جدًا” مع “أشرف عبدالباقي”.
وأضافت الفنانة ويزو خلال حوارها لبرنامج ع اللوكيشن علي راديو هيتس قائلة: “أنا بحب الرقص جدًا من زمان، و كنت مدرسة ثانوي بنين و أخترت أسيب التدريس وأمثل، و مفيش حد في عيلتي بيمثل غيري، و أهلي هما اللي بيشجعوني طول الوقت، و كان نفسي اشتغل مع فؤاد المهندس .
وأضافت قائلة: أما أول فيلم ليا كان “جيران السعد” بعدها فيلم “جوازة ميري”، وعملت فيلم “كلب بلدي” مع الأستاذ “معتز التوني” و كان ليا ٨ مشاهد أحلى من بعض، وعن فيلم “كلب بلدي ” فهو من أحلي و أجمل الأفلام اللي عملتها في حياتي.
وتابعت: الناس عرفتني بعد “مسرح مصر”، وأستاذ “أشرف عبدالباقي” ليه فضل كبير جدًا علينا، و”مسرح مصر” أهم و أكبر نقلة في حياتي .
واختتمت قائلة اللي معايا من البداية لحد دلوقتي “ربنا عز وجل وأبويا وأمي”، ونجاحي سببه ربنا.