مسلم يُطلق «مش صافيلك».. دراما الفراق والانفصال في أحدث أغنياته
كتب: ياسر الجندي
أطلق النجم الشاب مسلم أغنيته الجديدة «مش صافيلك» عبر قناته الرسمية على موقع يوتيوب، بالإضافة إلى طرحها على مختلف المنصات الرقمية ومحطات الراديو، لتكون تاسع أغنيات ألبومه الجديد.
دراما الفراق في «مش صافيلك»
تُقدم أغنية «مش صافيلك» جرعة درامية مُكثفة، حيث يُعبر مسلم عن قسوة الحبيب وقرار الانفصال النهائي. الأغنية من كلمات محمود عادل، ألحان معاذ زين، توزيع إسلام شوقي، وإنتاج شركة «ديجيتال ساوند». وتأتي استكمالاً لقصص الأغاني السابقة التي طرحها مسلم، بداية من «غمة» و«واحد زيك» وصولاً إلى «لقيتك شر».
مسيرة فنية حافلة
يُذكر أن أغنية «غمة» كانت الأغنية الدعائية لفيلم «درويلة» الذي طُرح في فبراير الماضي. بينما عكست أغنية «واحد زيك» قدرة مسلم على تجاهل الحبيب السابق ورفض العودة. وتنوعت مشاعر مسلم بين لقاء الصدفة بعد الانفصال في «اتقابلنا»، وحزن القلب وعدم الاستقرار في «كفاية فراق»، والصراع الداخلي في «واحشاك»، وصولاً إلى ألم الفراق والشوق في «مش قادر أنسى»، ومعاناة الخداع في «سوء اختيار».
كلمات أغنية «مش صافيلك»
مش صافيلك
و مفتكرش هيبقى عندي شئ لغيرك
والله يسامح قلبي لو عشمان ف خيرك
هو انت ايه الجبروت دا بس و فين ضميرك
ازاي رضيت تنسى اللي كان
ظالم اناني
من كل قلبي اتمنى تبقى ف يوم مكاني
هتلف بيك الدنيا و هترجعلي تاني
هتلاقي خلاص مات الغلبان بتاع زمان
ايه الجديد، و هتفرق ايه
مبقيتش فارقه
مش هعيد، افلام معاك
نهايتها فرقه
لا خلاص، مفيهاش عتاب، مفيهاش كلام
كرهي فيك.. مش من فراغ، لا من اذاك
تسمع ايه.. من امتى كان يفرق معاك
امشي و سلام
مش هدافع
عن نفسي لو قولت اني ظالمك، ليه اراجع
ايام كانت وياك بتحلف بالمواجع
قول عادي كل اللي انت عايزه، مش همانع
لو جاي تقلب ف اللي فات
انا قلبي راضي،
و هيتبسط لو شاف دموعك يوم قصادي
صدقني ممكن يبقى رد الفعل عادي
و هقول دا كانت ذكريات، و هواك دا مات
