دياب يطلق «بالسلامة والله يسهله».. أغنية جديدة تشعل يوتيوب

كتب: ياسر الجندي

أطلق الفنان دياب أغنيته الجديدة «بالسلامة والله يسهله» على موقع يوتيوب، من كلمات عمرو قطب، وألحان حسين زكريا، وتوزيع وميكس وماستر رامي نوار، محققة تفاعلاً كبيراً من الجمهور.

كلمات أغنية «بالسلامة والله يسهله»

اللي في بعدنا يلقى الراحة
الله يديمها عليه
واللي وجودنا تقيل على قلبه
ياخد الباب في إيديه

لا هنسأله طب إيه كان تاعبه
ولا قصرنا في إيه
ما بقاش عندنا خلق نحايل
حد ولا ندادي فيه

مش واقفين على حد بعينه
ولا قلبنا مجروح
ألف مين يتمنى وجودنا
وبالنسباله طموح

باي باي للي يفرط فينا
والباب أهو مفتوح
استمارة ٦ هنيديله يروح
مطرح ما يروح

بالسلامة والله يسهله
ألف بركة إنها جت منه
ده إحنا ع الباب طوابير واقفة
و١٠٠ ع التليفون بيرنوا

هو كان يحلم يقابلنا
يروح يبوس إيده ويدعيلنا
زينا يلاقي فين في الدنيا
ده إحنا مكسب ليه وخسرنا

اللي مش هنحسه شارينا
وراه هنكسر ضهر
ولا هتفرق بينا سفينة
ولا وقعنا في بير

مش غرور منا ولا تعالي
إحنا فعلًا غير
واللي يعرف غيرنا مسيره
يشوف الفرق كبير

إحنا غاليين ع اللي قيمتنا
عارفها أوي وعزاز
واللي يمسك فينا يا بخته
بالسعد والهنا فاز

إحنا نتاقل بطيبتنا
باللولي والألماظ
واللي مانملاش عينه براحته
هو اللي عينه إزاز

بالسلامة والله يسهله ألف بركة إنها جت منه
ده إحنا ع الباب طوابير واقفة
و١٠٠ ع التليفون بيرنوا

هو كان يحلم يقابلنا
يروح يبوس إيده ويدعيلنا
زينا يلاقي فين في الدنيا
ده إحنا مكسب ليه وخسرنا

آخر أعمال دياب

يذكر أن آخر أعمال الفنان دياب مشاركته في مسلسل «قلبي ومفتاحه» الذي عُرض في رمضان ٢٠٢٥، بطولة مي عز الدين وآسر ياسين، وإخراج تامر محسن.