أحمد سعد يشيد بروبي: “شخصية نقية وتحب الخير للجميع” | تفاصيل أغنية “تاني”

كتب: محمد صلاح

أشاد الفنان أحمد سعد بروبي، مؤكدًا إعجابه بها على الصعيد الإنساني، وحبه للعمل معها نظرًا لصفاء نيتها وحبها للخير ونجاح الجميع.

وفي حديثه لبرنامج “ET بالعربي”، وصف سعد روبي بـ”الخطيرة”، داعيًا الجمهور للتعرف على جوانب أخرى من شخصيتها تتجاوز ما يظهر على الشاشة من حركات ورقص، مشيرًا إلى أنها إنسانة طيبة وطبيعية ونقية، تقدم كل شيء من قلبها للآخرين وتعيش حياتها بسلام نفسي. وأضاف: “أحبها شخصيًا وأحب العمل معها، فهي شخصية مجتهدة في العمل، وربنا بيكرمها في كل أغانيها لأنها مسلمة أمرها لله”.

وعن تجديد تعاونه مع روبي في أغنية “تاني” ضمن ألبومه “بيستهبل”، بعد نجاح ديو “يا ليالي”، قال سعد: “ربنا كرمنا بنجاح الديو لأننا بنحب بعض، ومحدش بيفكر مين هيطلع فين وهيعمل إيه، هي عايزاني أطلع أحسن حاجة وأنا عايزها تطلع أحسن حاجة، فالناس بتشوف وبنقدم شغل حلو”.

تفاصيل أغنية “تاني”

أغنية “تاني” من كلمات فلبينو، إخراج أحمد عبدالواحد، توزيع أحمد طارق يحيى، مكساج هاني محروس، وهي رابع أغنيات ألبوم “بيستهبل” للفنان أحمد سعد.

كلمات أغنية “تاني”

يا نهار أبيض هي تاني.. مش كنا خلصنا ليه جايه تاني؟
طبعا هتقولي جيالي صدفة.. هو أنتي فاكراني ياباني
يا نهار أبيض هو تاني.. جاي يرقص قلبي تاني
خلصت منه أنا في الحقيقة.. قام راح طالعلي في الأغاني
تاني أنتي تاني.. طلعالي دايما هنا وهناك
تاني أنت تاني.. غلبت قلبي يا واد بهواك
تاني أنت تاني.. لسه الجلالة طبعا وخداك
تاني أيوه تاني.. اديني جيت ورقصت معاك تاني تاني
كنت فاكرِك فترة عادي.. وهتيجي متأخر حياتي
طلعتي مظبوطة بالدقيقة.. وكأن بابا كان ساعاتي
كنت فاكرة قلبي هادي.. لحد لما جيت قصادي
فضل يدق يا ابن اللذينة.. كأن بكرة عيد ميلادي

يُذكر أن أغنية “تاني” هي ثاني تعاون بين روبي وأحمد سعد، بعد نجاح أغنية “يا ليالي” التي طرحت قبل عامين وحققت نجاحًا جماهيريًا كبيرًا.