أحمد سعد يحتفل بعيد العمال ويدعو الشباب للعمل: “الشغل مهم جداً”
كتب: محمود جمال
في رسالة مؤثرة بمناسبة عيد العمال، وجّه الفنان أحمد سعد تحية خاصة لكل عاملٍ مُجدٍّ، مُشدّداً على أهمية العمل في حياة الإنسان. ونشر سعد فيديو عبر حسابه الرسمي على انستجرام، هنأ فيه جمهوره بهذه المناسبة، قائلاً: “كل سنة وأنتم طيبين بمناسبة عيد العمل، وعاوز أقول إننا فعلاً من غيركم مش أي حاجة، كل الناس اللي بتشتغل بقولكم شكراً جداً لحضراتكم”.
أهمية العمل
أكد سعد على أهمية العمل، قائلاً: “عاوز أقولكم الشغل دا حاجة مهمة جداً، ربنا كرم حتى الأنبياء بالشغل، وربنا بيحب الناس اللي بتشتغل”. كما وجّه رسالة لمن لا يعملون، قائلاً: “أما الناس اللي مبتشتغلش بجد عاوزة أقول لو مشلولين نشيلكم على دماغنا، وبضايق جداً من أي حد مبيشتغلش، فالنهاردة عاوز أقولكم كل سنة وأنتوا طيبين”.
آخر أعمال أحمد سعد
يُذكر أن آخر أعمال الفنان أحمد سعد هو تقديمه تتر مسلسل “سيد الناس”، بطولة شقيقه عمرو سعد، والذي حمل نفس اسم المسلسل. الأغنية من كلمات الشاعر عصام حجاج، وألحان تامر الحاج، وتوزيع أشرف البرنس، وحققت نجاحاً جماهيرياً كبيراً.
تقول كلمات أغنية “سيد الناس”: “المعتمد نبع الأصول عم البلد، سيد الناس وقت اللزوم دايمًا أسد، محبوب وروحه حنينه واصله طيب، سند لناس وقلبه مفتوح للجميع، في الشدة قبل ما تقصده تلاقيه قريب، ميسبش واجب واستحالة في يوم يبيع، جدع وعلى مبدئك، مهما الحياه مالت، مش بتغلبك المحن زي الجبل ثابت، جدع وعلى مبدئك، مهما الحياه مالت، زي الجبل ثابت”.
