فتاة تروي تفاصيل مروعة عن تحرش سائق تطبيق نقل ذكي بها: “أجبرني على شم السجائر”
كتب: أحمد مصطفى
انتشرت مؤخرًا وقائع تحرش سائقي تطبيقات النقل الذكية بالفتيات، مما أعاد إلى الأذهان حوادث مشابهة سابقة، كواقعة حبيبة الشماع وفتاة التجمع. ومؤخرًا، استغاثت فتاة عبر مواقع التواصل الاجتماعي، محذرة من استخدام أحد تطبيقات النقل بعد تعرضها لمحاولة خطف وتحرش من قبل سائق حاول إجبارها على التدخين ولمسها بشكل غير لائق.
فتاة تستغيث من تحرش سائق تطبيق نقل
تناقل رواد مواقع التواصل الاجتماعي منشورًا لفتاة قالت فيه: “يا جماعة بلاش حد يركب إندرايفر.. أنا النهاردة رايحة الجامعة زي الطبيعي، وطلبت إندرايفر.. ركبت معاه لاقيته بيقولي أنتي بتدخني.. قولتله لأ وسكت.. وبعدين في نص الطريق لاقيته بيلف وشه وبيديني علبة السجاير وبيلمس رجلي.”
سائق يحاول إجبار فتاة على التدخين
وتابعت الفتاة: “اتخضيت طبعًا.. وقلتله.. أنا قلتلك مش بشرب ومش هدخن.. فضل يتحايل عليا عشان أخد سيجارة، ويقولي شميها ريحتها نعناع. ومعاه كوباية.. عمال يقولي اشربي شاي.. والله أعلم فيها إيه.. جيت أفتح الباب عشان أنط لاقيته قافل الباب عليا.. نظراته كانت وحشة جدًا.”
محاولة هروب من قبضة المتحرش
وأضافت: “قعدت أتكلم معاه عشان أعرف أنزل.. وقولتله ممكن لو فاضي ترجع تاخدني.. عشان أقدر أنزل.. وقعد يسألني إنتي عايشة لوحدك ولا معاكي حد؟” وانتهزت الفتاة فرصة وجود سيدة بالشارع، وقالت للسائق: “هنزل أدي حد غلبان فلوس”. وأوضحت: “مكنش راضي، وقالي هقف وهي تجيلك بس أنتي متنزليش.. قعدت أقوله لا.. هي مش هتقدر تقوم.. نزلني.”
الفتاة تنجو من التحرش وتروي قصتها
واستطردت: “المهم كان عنده إصرار إني أشم السجاير أو أشربها.. ونزلت جريت على حد كان واقف.. وهو جه اتخانق معاه وخلاه يمشي، والحمد لله ربنا ستر.. قعد يرن عليا بعديها.. والراجل اللي وقفته رد عليه وقاله.. هنعملك محضر.. وزعقله جامد.. والحمد لله ربنا عداها على خير.. ومش هتتكرر تاني إني أركب اندرايفر.”
السلطات تتحرك للتحقيق في الواقعة
وتفحص الجهات المعنية المنشورات المتداولة حول استغاثة الفتاة، وتتخذ الإجراءات اللازمة للتحقيق في الواقعة.
